TIRANË, 20 shtator/ATSH/ – Programi i bonusit për mjekë specialistë jashtë Tiranës, vijon të shënojë sukses, duke plotësuar nevojat për mjekë në spitalet rajonale.
Falë mekanizmit financiar të bonusit, doktoreshë Tatjana Milo dhe doktor Riza Matoshi i janë bashkuar stafit mjekësor të Spitalit të Tropojës, për të ofruar shërbime shëndetësore të aksesueshme për të gjithë.
Dr. Tatjana Milo është e specializuar si mjeke obstetre-gjinekologe, ndërsa Dr. Riza Matoshi është i specializuar si mjek anestezist reanimacioni. Dy mjekët do t’u shërbejnë rreth 28 mijë banorëve të Tropojës.
Ndërkohë nga ofrimi i bonusit 16 mjekë specialistë janë atashuar në 6 spitale rajonale dhe 3 spitale bashkiake, duke plotësuar kështu vakumin për shërbime të specializuara./k.s/j.p/
