TOKIO, 28 gusht /ATSH-DPA/ – Kompania e njohur japoneze e makinave ”Toyota Motor” tha sot se do të investonte 500 milionë dollarë për makinat pa shoferë, pasi ra dakord me kompaninë e udhëtimeve ”Uber”.
”Toyota” dhe ”Uber” do të integrojnë teknologjinë e vetëngarjes dhe do të fillojnë pilotimin e programit në rrjetin e shpërndarjes së makinave të kompanisë amerikane në vitin 2021.
”Automjetet mund të jenë në pronësi dhe operuar nga operatorët e flotës autonome të një pale të tretë”, thanë kompanitë.
”Këto marrëveshje shënojnë një hap të rëndesishëm në transformimin e shoqërisë sonë”, theksoi zëvendëspresidenti ekzekutiv i ”Toyota”-s, Shigeki Tomoyama.
Investimi i ”Toyota”-s vjen pasi banka japoneze, SoftBank mori 15% të aksioneve të kompanisë ”Uber” për 7,7 miliardë dollarë në janar, duke u bërë aksioneri kryesor në kompaninë amerikane./ /os/ a.jor.
