ANKARA, 27 korrik /ATSH-AA/ – Banka Industriale dhe Tregtare e Kinës (ICBC) ka miratuar një paketë kreditore 3,6 miliardë dollarë për sektorin turk të energjisë dhe transportit, deklaroi ministri turk i Financave dhe Thesarit, Berat Albayrak.
“Është kompletuar pakoja përfundimtare e institucioneve financiare kineze e vlefshme 3,6 miliardë dollarë, për sektorët privat, institucionet publike dhe bankat”, shkroi Albayrak në llogarinë e tij në Twitter.
Ministri Albayrak i quajti si “frytdhënëse” negociatat gjatë vizitës së tij në Kinë në muajin maj, ku kishte vizituar më shumë institucione në mesin e të cilave edhe ICBC-në.
ICBC Turkey është banka e parë kineze që ka filluar punën në Turqi, pasi paraprakisht në vitin 2015 bleu shumicën e aksioneve të një banke vendase./ /os/ a.jor.
