PRISHTINË, 1 Maj/ATSH/.- Presidenti i Kosovës Hashim Thaçi, i uroi sot të gjithë punëtorëve 1 Majin, Ditën Ndërkombëtare të Punës.
Në një postimin në Facebook, Thaçi shprehet “çdo punëtor në Kosovë, sot vlerësohet më shumë se në të kaluarën. I kemi rritur disa herë pagat dhe tash ato janë pothuajse në nivel të barabartë me vendet e rajonit. Kemi hartuar ligje moderne që mbrojnë të drejtat e punëtorëve, por kërkohet një zbatim dhe monitorim më i mirë i tyre. Varësisht prej vendeve dhe kulturave të tyre, ka pikëpamje të ndryshme për 1 Majin, por kjo ditë gjithmonë është festuar te ne”, theksoi Thaçi.
Duke u uruar të gjithëve festën, Thaçi shprehet se “ndaj shqetësimin me të gjithë punëtorët, si të sektorit publik, ashtu edhe të atij privat, si dhe u bashkohem kërkesave të tyre për kushte më të mira të punës dhe të drejta më shumë për punëtorët”.
“Si shtet i ri duhet të kemi një përkujdesje më dinjitoze për të gjitha kategoritë shoqërore, ku shtylla më e fortë e ekonomisë dhe Republikës sonë padyshim se janë të gjithë punëtorët”, përfundon Thaçi/KosovaPress/k.s/
