NJU JORK, 26 mars /ATSH-AA/ – Vaksinat e zhvilluara nga kompanitë farmaceutike Pfizer/BioNTech dhe Moderna kundër koronavirusit të ri (COVID-19) janë efektive tek gratë shtatzëna dhe se antitrupat u kalojnë edhe foshnjave të sapolindura.
Në një studim të botuar në Revistën Amerikane të Obstetrikës dhe Gjinekologjisë u ekzaminuan efektet e vaksinave kundër COVID-19 tek gratë shtatzëna.
Rezultatet e një studimi të zhvilluar tek 131 gra, 84 prej të cilave ishin shtatzënë, 31 të cilat u jepnin gji fëmijëve dhe 16 prej të cilave nuk ishin shtatzënë, treguan se vaksinat kundër COVID-19 të kompanive farmaceutike Pfizer/BioNTech dhe Moderna ishin efektive te gratë shtatzëna.
Sipas studimit, nivelet e antitrupave tek gratë shtatzëna pas vaksinës ishin ekuivalente me nivelet e antitrupave tek gratë joshtatzëna.
Niveli i antitrupave i siguruar nga vaksina në subjekte ishte “çuditërisht më i lartë” sesa imuniteti i lindur i fituar pasi ata u infektuan./ /os/
