BRUKSEL, 9 mars /ATSH-DPA/ – Bashkimi Europian pret që të mbetet jashtë vendimit të presidentit amerikan, Donald Trump për të vendosur tarifa për importin e çelikut dhe aluminit, por është i përgatitur për t’u kundërpërgjigjur brenda 90 ditëve nëse do të jetë e nevojshme. ”BE-ja është një aleate e Shteteve të Bashkuara të Amerikës dhe nuk mund të jetë një kërcënim për sigurinë kombëtare”, deklaroi komisionerja e BE-së për Tregtinë, Cecilia Malmstrom gjatë një forumi të organizuar nga Fondi Gjerman i Marshallit (GMF) të SHBA-së. “Pritet që të përjashtohemi nga vendimi i Trump”, deklaroi ajo. Malmstrom tha se do ta diskutonte këtë çështje gjatë një takimi, të planifikuar nesër me përfaqësuesin amerikan të Tregtisë, Robert Lighthizer dhe homologun e tij japonez, Hiroshige Seko, duke theksuar se ende nuk ishte e qartë se çfarë kishte vendosur Trump sot. Trump ka nënshkruar sot procesin duke imponuar tarifat për importin e çelikut me 25% dhe 10% për produktet e aluminit, duke zbatuar një ligj të përdorur rrallëherë në SHBA që autorizon veprimin presidencial kundër importeve që dëmtojnë sigurinë kombëtare.//a.i/ a.jor.
