TIRANË, 12 korrik/ATSH/- Anija shqiptare “Oriku” u nis sot për në misionin e NATO-s në detin Egje.
Lajmi u bë i ditur nga ministrja e Mbrojtjes, Olta Xhaçka, e cila i uroi mbarësi ekuipazhit të kësaj anije.
“Erëra të mbara ekuipazhit të anijes “Oriku”, të cilët u nisën sot për në misionin e NATO-s në detin Egje, ku do të zëvendësojnë kolegët e tyre të kontingjetit XII dhe anijen “Butrinti””, – thekson Xhaçka.
Në kuadër të kontributit me forcat aleate të NATO-s, Forcat Detare shqiptare janë pjesë e patrullimit në detin Egje. Gjatë patrullimeve anijet shqiptare kanë ndërmarrë një sërë operacionesh për shpëtimin e jetës së emigrantëve./k.s/ /a.g/
