BRUKSEL, 10 janar /ATSH-DPA/- Komisioni Evropian njoftoi sot 3 miliardë euro për Ukrainën, si pjesë e një pakete të madhe të ndihmës të premtuar nga Grupi i Shtatë ekonomive kryesore G7.
G7 dhe Bashkimi Evropian synojnë t’i japin Ukrainës një kredi prej 50 miliardë dollarësh, të siguruar nga të ardhurat nga interesat e aseteve shtetërore ruse të ngrira në Perëndim.
Pagesa prej 3 miliardë euro ishte kësti i parë i kontributit të BE-së për kredinë.
Presidentja e Komisionit Evropian, Ursula von der Leyen tha në X se qëllimi i huasë është t’i ofrojë Ukrainës forcën financiare për të vazhduar luftën për lirinë e saj dhe për të fituar luftën kundër Rusisë.
“Ashtu si rezistenca e guximshme ukrainase, mbështetja jonë do të jetë e palëkundur”, tha Von der Leyen.
Ukraina ka mbrojtur veten kundër pushtimit rus në shkallë të plotë për gati tre vjet – me mbështetjen e Perëndimit.
Putini ka kritikuar ashpër kredinë e propozuar për Ukrainën disa kohë më parë, duke e quajtur atë grabitje.
Ai paralajmëroi se vendimi i G7 nuk do të mbetet i pandëshkuar. //a.i/
