ROMË, 20 dhjetor /ATSH-AFP/ – Kryeministrja italiane, Giorgia Meloni deklaroi se ishte thellësisht e tronditur nga sulmi brutal në tregun e Krishtlindjeve në Gjermani.
”Thellësisht e tronditur nga sulmi brutal në tregun e Krishtlindjeve në Gjermani’’, shkroi ajo në X.
Të paktën dy persona – një i rritur dhe një fëmijë i vogël – u vranë në sulmin e dyshuar të përplasjes me makinë në tregun e Krishtlindjeve në Magdeburg, deklaroi kryeministri i landit të Saksoni-Anhalt.
Raportohet se ka të paktën edhe midis 60 dhe 80 të plagosur. Magdeburgu është rreth 150 kilometra në perëndim të Berlinit.
Policia arrestoi drejtuesin e makinës.
”I dyshuari i arrestuar ka lindur në vitin 1974 në Arabinë Saudite dhe punonte si mjek”, sipas ”Die Welt”./ /os/
