UASHINGTON, 12 mars /ATSH-ANSA/ – Presidenti amerikan Joe Biden do të shqyrtojë mundësinë e kushtëzimit të ndihmës ushtarake për Izraelin nëse ai vazhdon me një pushtim në shkallë të gjerë të Rafahut, të cilin ditët e fundit ai e kishte treguar si një “vijë të kuqe’’.
Hapja e presidentit amerikan për të ndërmarrë këtë hap pasqyron presionin në rritje në partinë e tij dhe tensionet e forta në marrëdhëniet e tij me kryeministrin izraelit Benyamin Netanyahu.
Kohët e fundit Netanyahu ka hedhur poshtë çdo përpjekje amerikane për të frenuar sjelljen e tij të luftës me Hamasin dhe kjo gjë ka shkaktuar habi tek demokratët e Biden. /os/
