UASHINGTON, 5 korrik /ATSH-DPA/ – Përpara samitit të NATO-s të javës së ardhshme në Lituani, kancelari gjerman Olaf Scholz dhe presidenti amerikan Joe Biden zhvilluan një bisedë telefonike.
Një deklaratë nga Shtëpia e Bardhë tha se ”Scholz dhe Biden diskutuan një sërë çështjesh që liderët do të shqyrtojnë në samit, përfshirë mënyrat për të forcuar më tej aleancën”.
Të dy krerët presin me padurim të vazhdonin diskutimet e tyre me partnerët e tjerë të NATO-s në Vilnius, kryeqyteti i Lituanisë, javën e ardhshme.
Udhëheqësi gjerman i dërgoi gjithashtu Bidenit dhe popullit amerikan urimet e tij më të mira për Ditën e Pavarësisë.
Samiti do të zhvillohet të martën dhe të mërkurën e ardhshme.
Temat kryesore do të përfshijnë mbështetjen për Ukrainën, si kurrë më parë, por edhe çështjen e mprehtë të shpenzimeve të mbrojtjes nga shtetet e NATO-s dhe forcimin e parandalimit të konflikteve./ a.jor.
