TIRANË, 19 dhjetor/ATSH/ Në Durrës po vijon puna për ndërtimin e dy unazave të qytetit, që do të lehtësojnë trafikun e mjeteve dhe të këmbësorëve.
Kryeministri Edi Rama ndau sot pamje nga ky kantier ndërtimi, ndërsa e cilësoi si një ndër investimet më të rëndësishme të viteve të fundit.
“Kantieri i ndërtimit të dy unazave në qytetit të Durrësit, ndër investimet më të rëndësishme të viteve të fundit, që do të lidhin zonën e Currilave me rrugën “Aleksandër Goga” e do të lehtësojnë trafikun e mjeteve dhe të këmbësorëve”, u shpreh Rama.
Kryeministri bëri të ditur se unaza Spitallë-Currila do të jetë me katër korsi dhe një korsi biçikletash ndërsa unaza tjetër, Spitali-Currila do të jetë me dy korsi, një korsi biçikletash dhe parkim.
/m.m/j.p/
