UASHINGTON, 5 nëntor /ATSH-DPA/ – Presidenti në largim i SHBA, Joe Biden po ndjek ngjarjet e ditës së zgjedhjeve nga Shtëpia e Bardhë, por nuk po planifikon të bëjë ndonjë paraqitje publike.
Anëtarët e ekipit të tij i thanë transmetuesit CNN se Biden dhe bashkëshortja Jill planifikojnë të shikojnë rezultatet e zgjedhjeve së bashku me stafin dhe menaxherët e lartë të rezidencës së Shtëpisë së Bardhë.
Dita do të jetë krejt ndryshe nga ajo që shumica e qytetarëve amerikanë, përfshirë vetë Bidenin, kishin imagjinuar disa muaj më parë përpara se të tërhiqej nga gara pas presionit nga brenda partisë së tij.
E nominuara e demokratëve është zëvendëspresidentja Kamala Harris, të cilën Biden e mbështeti në fushatën e saj të stuhishme pas tërheqjes së tij./ a.jor.
