VARSHAVË, 30 tetor /ATSH-DPA/- Ministri i Jashtëm polak, Radosław Sikorski dëshiron të kandidojë në zgjedhjet presidenciale të vendit vitin e ardhshëm.
Partia e Sikorski, Koalicioni Civil konservator liberal i udhëhequr nga kryeministri Donald Tusk ka planifikuar të shpallë kandidatin e saj për zgjedhjet më 7 dhjetor.
Polonia do të zgjedhë kreun e ri të shtetit në maj, por data e saktë ende nuk është caktuar.
Presidenti aktual, Andrzej Duda nuk ka të drejtë të kandidojë sërish pas dy mandateve.
Duda, i cili vjen nga radhët e Partisë Konservatore nacionaliste Ligj dhe Drejtësi (PiS), ka përmbysur shumë projekte të fundit nga qeveria pro-evropiane e Tusk.
Sikorski konsiderohet një transatlantist i vendosur – i cili mbështet me forcë mbështetjen politike dhe ushtarake të Polonisë për Ukrainën./ /a.i/
