TIRANË, 28 tetor /ATSH/ Prokuroria Kundër Korrupsioni dhe Krimit të Organizuar (SPAK) ka dhënë pretencën duke kërkuar dënimin me 1 vit e 6 muaj burg për Granit Gjanën, ish-nënkryetar i bashkisë së Kukësit.
Ish-prefekti i Kukësit për shkak të gjykimit të shkurtuar do të përfitojë ulje të masës së dënimit. SPAK gjithashtu kërkoi shlyerjen e dënimit, nëse shpallet fajtor, me 2 vite shërbim prove.
Granit Gjana, akuzohet për “shkelje të barazisë në tendera” në dy raste. Sipas akuzës, Gjana dyshohet se në kohën kur ka qenë nënkryetar i bashkisë së Kukësit ka ndërhyrë në procesin e prokurimeve publike duke favorizuar palë të caktuara, çka bie ndesh me ligjin për barazinë në tendera dhe konkurrencën e ndershme.
/r.e/a.f/
