BERLIN, 4 tetor /ATSH-DPA/ – Një dështim i përkohshëm në sistemin e kontrollit të trafikut ajror të Gjermanisë ka shkaktuar probleme në të gjithë hapësirën ajrore gjermane, tha sot agjencia e kontrollit të trafikut ajror.
Defekti, i cili më pas u riparua, shkaktoi vonesa dhe anulime.
Ndërprerja çoi në humbjen e planeve të fluturimit dhe në veçanti të të dhënave të motit.
”Ndërprerja është zgjidhur, sistemet janë kthyer në funksion. Megjithatë, të dhënat e humbura gjatë ndërprerjes do të duhet të rifuten”, tha agjencia./ /os/
