BERLIN, 27 qershor /ATSH-DPA/- Forcat e armatosura të Gjermanisë do të vazhdojnë dislokimin e tyre në Bosnjë-Hercegovinë si pjesë e një misioni ndërkombëtar.
Bundestagu, siç njihet parlamenti i Gjermanisë, zgjati mandatin e misionit të BE-së “Eufor Althea” me një shumicë të madhe votash.
Deri në 50 ushtarë gjermanë do të vazhdojnë dislokimin e tyre – në përputhje me Marrëveshjen e Paqes të Dejtonit, e cila i dha fund luftës në Bosnjë-Hercegovinë në 1995.
Megjithatë, shteti ballkanik konsiderohet ende një qendër e mundshme konflikti.
Më vonë, Bundestagu do të zgjerojë dy misione të tjera të Bundeswehr-it jashtë vendit, në Kosovë dhe në Liban.
Misioni i NATO-s KFOR në Kosovë vazhdon të ketë deri në 400 ushtarë gjermanë të cilët ndodhen atje për të mbrojtur paqen dhe rendin publik në Kosovë, e cila ka përjetuar tensione të reja me Serbinë kohët e fundit.
Ligjvënësit do të bien dakord gjithashtu për mbajtjen e 300 ushtarëve si pjesë e misionit të OKB-së UNIFIL, për të parandaluar kontrabandën e armëve në Liban.//a.i/
