PRISHTINE, 29 maj/ATSH/ Kryeministri i Kosovës Albin Kurti ka preferuar më tepër heshtjen kur është pyetur mbi reagimin e presidentes, Vjosa Osmani për letrën e kryediplomates Donika Gërvalla në Këshill të Evropës.
“Kjo kam hamendësuar se ka mundur të ndodhë për shkak të vizitës që ajo e kishte në SHBA, ku për shkak të largësisë, me siguri jo çdo hollësi e cila do të ndryshonte çdo minutë në ditën e votimit që e kishim nga ana e Këshillit të Ministrave për KiE mund të ndahet dhe mund të koordinohet”, ka thënë ai.
“Presidentja, si përfaqësuese e unitetit të popullit, është dashtë të shpërfaq të vërtetën e keqqeverisjes së Albinit shumë më herët. Tashmë dëmi është bërë, por e vërteta e dështimit po dihet qartë! Më mirë vonë se kurrë”, ka shkruar Musliu-Shoshi.
Kosova nuk u përfshi në agjendën e KiE më 16-17 maj. Kancelari gjerman Olaf Scholz, kryeministrja italiane Giorgia Meloni dhe presidenti francez Emmanuel Macron thanë në një letër se “ekziston një rrezik real që pa progres vendimtar të asociacionit, aplikimi në KiE s’do të merr mbështetjen e duhur”. /KosovaPress/
