TIRANË, 18 janar/ATSH/ Autoriteti Rrugor Shqiptar bën të ditur se për shkak të punimeve të mirëmbajtjes në aksin Skuraj-Burrel do të devijohet qarkullimi për mjetet mbi 3.4 tonë, duke nisur nga nesër e deri më 26 janar.
“Në kuadër të zbatimit të kontratave të mirëmbajtjes në segmentin rrugor Skuraj-Burrel km 11+600, nga data 19.01.2024 deri më 26.01.2024 do të fillojnë punimet për ndërtimin e murit mbajtës, punime të cilat nuk mund të kryen pa bërë ngushtimin e rrugës. Për këtë arsye segmenti Skuraj-Burrel do të jetë i bllokuar për kalimin e mjeteve mbi 3.5 tonë. Lëvizja e tyre do bëhet nga segmenti Rrëshen-Ura e Matit”, deklaroi ARRSH.
Kompania zbatuese në bashkëpunim me ARRSH dhe Policinë Rrugore kanë marrë të gjitha masat për menaxhimin e trafikut dhe vendosjen sinjalistikës provizore.
