UASHINGTON, 26 dhjetor /ATSH-DPA/ – Sipas sekretarit amerikan të Mbrojtjes, Lloyd Austin, ushtria amerikane i është përgjigjur një sërë sulmeve ndaj bazave amerikane në Irak me sulme të sakta kundër milicisë së mbështetur nga Irani në vend.
”Tre ushtarë amerikanë u plagosën në këto sulme nga milicitë e mbështetur nga Irani, njëri prej tyre seriozisht”, tha Austin.
Me udhëzimet e presidentit amerikan Joe Biden, u kryen sulme “të nevojshme dhe proporcionale” kundër tre bazave të përdorura nga këto milici.
Në të njëjtën kohë, sekretari amerikan i Mbrojtjes paralajmëroi për sulme të mëtejshme kundër ushtarëve amerikanë në rajon.
Ai tha se ”Uashingtoni është i vendosur dhe i gatshëm të marrë masat e nevojshme për të mbrojtur personelin dhe objektet e SHBA”.
Qeveria irakiane dënoi të martën sulmet amerikane si një “akt të qartë armiqësor”.
Një anëtar i shërbimeve të sigurisë u vra dhe 18 persona, përfshirë civilë, u plagosën në sulmet.
”Ne theksojmë se ky hap minon marrëdhëniet dypalëshe dhe do të komplikojë mënyrat e arritjes së mirëkuptimit përmes dialogut bashkëpunues që synon t’i japë fund pranisë së koalicionit ndërkombëtar”, tha qeveria në një deklaratë./ /os/
