TIRANË, 4 dhjetor/ATSH/ Kolonja e dekoruar me pemën e Krishtlindjeve dhe dritat shumëngjyrëshe është gati për të pritur festat e fundvitit.
Kryeministri Edi Rama publikoi mbrëmjen e sotme në rrjetet sociale pamje nga Kolonja e dekoruar.
Dhjetori është muaji i festave dhe si të gjitha qytetet, edhe Kolonja është përfshirë nga atmosfera e gëzueshme e këtyre ditëve.
Përveç pemës së madhe të vendosur në qendër të Kolonjës, vezullimi i dritave shumëngjyrëshe dhe zbukurimet e ndryshme kanë krijuar tashmë atmosferën festive në këtë qytet.
/k.s/r.e/
