BRUKSEL, 4 dhjetor /ATSH-AA/ – Shefi i politikës së jashtme të BE-së Josep Borrell propozoi zgjidhjen me dy shtete për konfliktin e gjatë izraelito-palestinez.
“Zgjidhja mund të jetë vetëm politike, e përqendruar në dy shtete,” tha Josep Borrell në X, pasi foli në telefon me ministrin e Jashtëm iranian Hossein Amirabdollahian.
Borrell tha se ”pasojat rajonale nga konflikti i vazhdueshëm izraelito-palestinez duhet të shmangen”.
Ai shtoi se i kërkoi Iranit që “të përdorë ndikimin e tij dhe të punojë në mënyrë aktive për të shmangur çdo përshkallëzim të mëtejshëm në rajon”.
Ushtria izraelite rifilloi bombardimin e Rripit të Gazës të premten në mëngjes pasi shpalli fundin e një pauze humanitare njëjavore.
Izraeli nisi sulme të pamëshirshme ajrore dhe tokësore në enklavën e bllokuar pas një sulmi ndërkufitar nga grupi palestinez Hamas më 7 tetor. /os/
