KIEV, 25 shtator /ATSH-DPA/ – Tanket e para amerikane ”Abrams” kanë mbërritur në Ukrainë dhe tashmë janë duke u përgatitur për vendosje, shkroi presidenti ukrainas Volodymyr Zelensky në Telegram.
Në total, Shtetet e Bashkuara kishin njoftuar dërgimin e 31 tankeve të këtij lloji në Ukrainë.
Zelenskiy nuk dha detaje mbi numrin e tankeve amerikane tashmë në vend.
Ai falënderoi aleatët për ndihmën e tyre të armatosur. Shtetet e Bashkuara konsiderohen si mbështetësi më i rëndësishëm ushtarak i Kievit.
Që nga fillimi i pushtimit të plotë të Rusisë në shkurt 2022, ndihma ushtarake e SHBA-së për Ukrainën ka arritur në 43.9 miliardë dollarë, sipas të dhënave të qeverisë.
Kohët e fundit, u autorizuan armë dhe pajisje me vlerë 128 milionë dollarë nga rezervat ushtarake amerikane.
Raketat ATACMS, me rreze veprimi deri në 300 kilometra, të kërkuara gjatë nga Kievi, nuk ishin përfshirë. /os/
