TIRANË, 5 shtator/ATSH/ Gjatë periudhës janar-korrik të këtij viti të ardhurat nga pushteti vendor llogariten 17.2 miliardë lekë.
Të ardhurat nga pushteti vendor përbëhen nga tre zëra kryesorë: të ardhurat nga taksa e pasurisë, taksa mbi biznesin e vogël dhe taksat lokale.
Nga taksat lokale të ardhurat gjatë 7 muajve të vitit 2023 llogariten 13.4 miliardë lekë, nga 14.4 miliardë lekë që u mblodhën gjatë 7-mujorit të 2022-shit.
Sipas raportit mbi treguesit fiskalë të publikuar nga Ministria e Financave dhe Ekonomisë, të ardhurat nga taksa mbi pasurinë llogariten 3.7 miliardë lekë, nga 4.1 miliardë lekë që u mblodhën në 7-mujorin e 2022-shit.
Nga taksa mbi biznesin e vogël u mblodhën 36 milionë lekë në buxhet, nga 44 milionë lekë që u mblodhën në 2022-shin.
Ndërkohë, qeveria planifikon që gjatë vitit 2023 të ardhurat nga pushteti vendor të arrijnë në 29.1 miliardë lekë.
/r.e/
