TIRANË, 1 shtator/ATSH/ Posta Shqiptare dhe Furnizuesi i Shërbimit Universal (FSHU) arritën marrëveshjen për unifikimin e procesit të shpërndarjes së faturave të energjisë elektrike.
Marrëveshja u nënshkrua të premten nga kreu i Postës Shqiptare Ardit Demiri dhe administrator i FSHU-së, Elton Sevrani.
Marrëveshja ka në fokus rritjen e cilësisë së shpërndarjes së faturave të energjisë elektrike.
Përmes saj synohet unifikimi i të gjithë procesit, duke nisur nga printimi, zarfimi dhe shpërndarja e faturave të konsumit të energjisë elektrike për 1.3 milion abonentë familjarë dhe privatë të shoqërisë OSHEE Group.
Marrëveshja e re me FSHU do të nisë zbatimin duke filluar nga muaji shtator.
