TIRANË, 15 gusht /ATSH/ Në prag të vitit të ri shkollor, Bashkia e Tiranës ka punuar për rivijëzimin e sinjalistikës rrugore pranë institucioneve arsimore, shkolla dhe kopshte.
“Ekipi i Mirëmbajtjes së Sinjalistikës po kujdeset për rivijëzimin e sinjalistikës rrugore pranë institucioneve arsimore, shkolla dhe kopshte. Përfundoi puna për vijëzimin e vendkalimit të këmbësorëve pranë shkollave “Lidhja e Prizrenit” dhe “1 Maji” si edhe rrugëve “Dervish Hatixhe” dhe Rruga e Barrikadave”, shkruan kryebashkiaku Erion Veliaj.
Ekipi i Mirëmbajtjes së Sinjalistikës ka treguar përkushtim të vërtetë dhe profesionalizëm gjatë këtij procesi, duke siguruar një ambient më të sigurt dhe të kujdesur për komunitetin.
/r.e/
