PEKIN, 4 gusht /ATSH-ANSA/ – Shtetet e Bashkuara dhe Kina hapin linja të reja komunikimi për t’u marrë me çështjet më të diskutueshme, në atë që është një nga shenjat e para të përparimit në stabilizimin e marrëdhënieve midis dy super fuqive pas vizitës së Sekretarit të Shtetit Antony Blinken në Pekin.
Lajmi u raportua nga Financial Times duke cituar disa burime, sipas të cilave Uashingtoni dhe Pekini do të krijojnë dy grupe pune të përqendruara në temat rajonale të Azisë-Paqësorit dhe Detare, dhe mbase një grup i tretë në tema më të gjera.
Masa vjen midis tensioneve mbi veprimtarinë e Kinës afër Tajvanit dhe refuzimit të Pekinit për të dënuar luftën në Ukrainë. /os/
