TIRANË, 31 korrik/ ATSH/ Komisioni Shtetëror i Zgjedhjeve pritet të mblidhet këtë të martë për ti dhënë mandatin e kryebashkiakut Edison Memollës. Mbledhja e Komisionit Shtetëror Zgjedhor është parashikuar të mbahet në orën 12:00.
Pas përsëritjeve të zgjedhjeve në bashkinë e Rrogozhinës, kandidati i Partisë Socialiste Edison Memolla arriti të fitonte mandatin përballë kandidatit të “Bashkë Fitojmë”, Shkëlqim Hoxha me 1 752 vota diferencë. Konkretisht, pas numërimit të 54 kutive të votimit Memolla mori 6 658 vota, kundrejt 4 906 votave të kandidatit të koalicionit “Bashkë Fitojmë” Shkëlqim Hoxha.
Pikë tjetër e rendit të ditës, është projektvendimi “Për plotësimin e vakancës në Këshillin e Bashkisë Dibër, me kandidatin nga lista shumemërore të “Partisë Social Demokrate”, zj. Marjana Bashkim Kadria”. Po ashtu, KQZ do të shqyrtoi dhe një projektvendim “Për plotësimin e vakancës në Këshillin e Bashkisë Lezhë, me kandidatin nga lista shumemërore të “Partisë Kristian Demokrate”, z. Shtjefën Llesh Lleshi”.
/r.e/
