PRISHTINË, 12 prill /ATSH/ Policia e Kosovës ka arrestuar tre të dyshuarit e sulmit ndaj gazetarit Valon Syla.
Këtë e ka konfirmuar ministri Punëve të Brendshme, Xhelal Sveçla.
Ministri Sveçla ka përgëzuar policinë për përkushtimin dhe profesionalizimin, sic shkruan ai në Facebook, që garanton siguri për të gjithë.
“Pas një pune intenzive të Policisë së Kosovës, tashmë janë arrestuar tre sulmuesit e gazetarit Valon Syla. Përgëzoj Policinë e Kosovës për përkushtimin dhe profesionalizmin që garanton siguri për të gjithë si dhe sundim të rendit dhe ligjit”, shkruan Sveçla./KosovaPress/
