TIRANË, 8 mars /ATSH – I. Vata/ Ministret kanë marrë sot gjatë mbledhjes së qeverisë, buqeta me lule, si dhuratë për 8 marsin.
Kryeministri Edi Rama publikoi mbrëmjen e sotme në rrjetet sociale, foton e ditës, ku tregohet se me rastin e 8 marsit, janë vendosur buqeta me lule në vendet e ministreve të qeverisë, në sallën e mbledhjeve të Këshillit të Ministrave.
Mëngjesin e sotëm kryeministri Rama uroi të gjitha gratë me rastin e 8 marsit.
“Gëzuar “8 Marsin” me risinë që këtë vit e në vijim nënave të papuna me tre e më shumë fëmijë, sigurimet shoqërore e shëndetësore u paguhen nga shteti pas Këshillimit Kombëtar, ku shumica dhanë pëlqimin e tyre për këtë risi”, shkroi Rama mëngjesin e sotëm.
Qeveria Rama ka në përbërje më shumë gra se sa burra, konkretisht 12 gra ose mbi 70% të qeverisë.
/gj.m/
