BRUKSEL, 18 janar /ATSH-DPA/ – Bashkimi Evropian do të ngrejë një mision të ri vëzhgimi për të ndihmuar në përfundimin e konfliktit në rajonin kufitar midis Armenisë dhe Azerbajxhanit.
Përfaqësuesit e 27 vendeve anëtare të BE ranë dakord mbi planet gjatë bisedimeve në Bruksel me misionin vëzhgues që do të miratohen zyrtarisht në një takim të ministrave të jashtëm të BE javën e ardhshme.
Dy ish-republikat sovjetike kanë luftuar njëra-tjetrën për dekada me radhë për kontrollin e territorit të Nagorno-Karabakut.
‘’Objektivi i misionit të vëzhguesit është të zvogëlojë numrin e incidenteve në rajonin e konfliktit dhe kufitar, të zvogëlojë rrezikun për popullsinë që jeton atje dhe të ndihmojë në normalizimin e marrëdhënieve midis dy vendeve’’, thanë diplomatët.
Në shtator 2022, Republika e Azerbajxhanit në Kaukazin e Jugut sulmoi Armeninë. Azerbajxhani akuzon Armeninë për provokim, të cilin fqinji i tij më i dobët ushtarak e mohon.
Luftimet e ashpra shpërthyen me më shumë se 200 të vrarë.
Diplomatët supozojnë se udhëheqja autoritare e Azerbajxhanit ka përfituar kohët e fundit nga fakti se fuqia mbrojtëse e Armenisë, Rusia, është e preokupuar me luftën kundër Ukrainës. /os/
