TIRANË, 23 shtator/ATSH/ Prokuroria e Tiranës kërkoi sot vendosjen e masës “arrest me burg” për katër zyrtarët e Universitetit Bujqësor të Kamzës.
Prokuroria pranë Gjykatës së Shkallës së Parë Tiranë përfundoi hetimet dhe kërkoi vendosjen e masës së sigurimit ‘arrest në burg’ për shtetasit: A.R. lindur në Dibër dhe banues në Qendër Kamzë; T. B., lindur në Librazhd dhe banues në Qendër Kamzë; M.M., lindur në Korçë dhe banues në Kodër Kamzë; dhe R. S., lindur në Dibër dhe banues në Kodër Kamzë.
Sipas Prokurorisë, të pandehurit me veprimet e tyre aktive dyshohet se i kanë sjellë dëm interesave të shtetit, duke përvetësuar plehrat kimike në vlera të konsiderueshme dhe duke falsifikuar dokumentacionin për hyrjen dhe daljen fiktive të këtyre inputeve bujqësore dhe plehrave kimike në magazinat e Fermës Didaktike të Universitetit Bujqësor të Kamzës.
/m.m/j.p/r.e/
