TIRANË, 9 korrik /ATSH/ Mbi 72 mijë drejtues mjetesh do të marrin shërbime e transportit rrugor në qarkun e Korçës, në kushte dinjitoze.
Kryeministri Edi Rama publikoi sot në rrjetet sociale foto nga punimet në kantierin e DRSHTRR Korçë, ku po ndërtohet kompleksi rajonal tërësisht i ri.
Ky kompleks do të ofrojë shumë shpejt kushte dinjitoze për shërbimet e transportit rrugor edhe në qarkun juglindor për 72,688 drejtues mjetesh nga Bashkitë: Korçë, Devoll, Kolonjë, Maliq, Pogradec dhe Pustec.
“Kantieri i DRSHTRR Korçë, kompleksi rajonal tërësisht i ri. Shumë shpejt do të kemi kushte dinjitoze për shërbimet e transportit rrugor edhe në qarkun juglindor për 72,688 drejtues mjetesh nga Bashkitë: Korçë, Devoll, Kolonjë, Maliq, Pogradec dhe Pustec”, shkroi Rama në një postim në rrjetet sociale.
