TOKIO, 8 korrik /ATSH-DPA/ – Ish-kryeministri japonez, Shinzo Abe është në gjendje të rëndë shëndetësore, pasi u qëllua sot në një aktivitet të fushatës elektorale në qytetin Nara, tha kryeministri Fumio Kishida.
Kishida e dënoi sulmin me fjalët më të ashpra, pasi ndërpreu një paraqitje në fushatën zgjedhore në prefekturën veriore të Yamagatas.
Ai u kthye me helikopter në rezidencën e tij zyrtare në Tokio.
”Nuk dihet ende motivi i sulmit”, tha Kishida.
Sipas raportimeve të medias, Abe u qëllua dy herë në rrugë nga një ish-pjesëtar i Forcave Japoneze të Vetëmbrojtjes. ndërsa mbante një fjalim të fushatës zgjedhore në qytetin Nara./ a.jor.
