TIRANË, 24 maj /ATSH/ Skuadra holandeze e Feyenoord-it të Roterdamit ka mbërritur në Shqipëri.
Klubi holandez ka publikuar në rrjete sociale foto nga mbërritja e lojtarëve dhe stafit të klubit holandez në Rinas.
“Arritëm në Shqipërinë e bukur”, shkruan klubi holandez i Feyenoord në postimin e tij.
Feynoord, do të përballet nesër në orën 21:00 me italianët e Romës në stadiumin “Air Albania” për finalen e UEFA Conference League.
Më herët në rrugët e kryeqytetit kanë mbërritur edhe tifozë të shumtë holandezë dhe italianë që do të mbështesin nesër ekipet e tyre.
Ky është viti i parë që UEFA organizon Conference League, një kompeticion krejtësisht i ri evropian mes klubeve.
Gjithashtu është hera e parë që Tirana dhe Shqipëria presin një finale të një kompeticioni evropian.
