TIRANË, 3 maj /ATSH/ Eksportet drejt Zvicrës shënuan rritje të ndjeshme përgjatë tre muajve të parë të vitit, ndërsa importet u ulën.
Sipas të dhënave të publikuara nga Instituti i Statistikave (INSTAT), eksportet drejt Zvicrës nga 642 milionë lekë që ishin në tre muajt e parë të vitit 2021, në tremujorin e parë të këtij viti arritën në mbi 1 miliard lekë.
Ndërkohë importet u ulën në 2 miliardë lekë, nga 2.9 miliardë lekë që ishin në të njëjtën periudhë të 2021-shit.
Instituti i Statistikave bëri të ditur se, krahasuar me të njëjtën periudhë të vitit të kaluar, shkëmbimet tregtare shënuan rënie me rreth 400 milionë lekë.
Në total shkëmbimet tregtare për periudhën janar-mars llogariten rreth 3.1 miliardë lekë, nga 3.5 që ishin në tremujorin e parë të 2021-shit.
Shqipëria eksporton më së shumti në Zvicër, prodhimeve bujqësore, materiale ndërtimi dhe metale.
/a.a/r.e/
