BRUKSEL, 24 mars /ATSH-DPA/- Kërkesa e Rusisë që disa vende të paguajnë për gazin natyror dhe naftën ruse në rubla është një vendim i njëanshëm dhe një shkelje e qartë e kontratës, deklaroi sot presidentja e Komisionit Evropian Ursula von der Leyen.
“Ky do të ishte një vendim i njëanshëm dhe një shkelje e qartë e kontratës dhe do të ishte një përpjekje për të anashkaluar sanksionet”, tha von der Leyen në fillim të një samiti të BE-së në Bruksel.
“Ne nuk do të lejojmë që sanksionet tona të anashkalohen … koha kur energjia mund të përdoret për të na shantazhuar ka mbaruar”, tha ajo. //a.i/
