TIRANË, 3 mars/ATSH/ Më shumë se gjysma e mallrave të eksportuara përgjatë muajit janar kanë lëvizur në rrugë detare.
Sipas Institutit të Statistikave (INSTAT), mallrat e eksportuara përmes rrugës detare zënë 53 % të vëllimit, me rrugë 32,5 % dhe me ajër 0,2 %.
INSTAT bëri të ditur gjithashtu se mallrat e eksportuara me rrugë në janar 2022 janë rritur me 44,3 %, krahasuar me janar e 2021-shit.
Ndërkohë, mallrat e importuara me det zënë 50,4 %, me rrugë 41,5 % dhe me ajër 2,9 %.
Edhe mallrat e importuara përmes akseve rrugore shënuan rritje me 20.8 %.
Volumi i mallrave të ngarkuara/shkarkuara në porte, në muajin janar arriti 287,2 mijë tonë, ndërsa volumi i mallrave të transportuara me hekurudhë është 1.726 mijë ton-kilometër. /j.p/r.e/
