BERLIN, 15 shkurt /ATSH-DPA/ – Vala e madhe e infeksioneve të koronavirusit Omicron në Gjermani është ndalur dhe vendi mund të fillojë të lehtësojë masat e reagimit ndaj pandemisë, sipas ministrit të Shëndetësisë të vendit, Karl Lauterbach.
”Kulmi i valës Omicron kaloi, pak a shumë pikërisht në atë ditë që parashikova një muaj më parë”, theksoi ai.
Lauterbach së bashku me kancelarin Olaf Scholz dhe 16 kryeministrat e landeve të vendit kanë planifikuar të diskutojnë dhe propozojnë për të hequr shumicën e kufizimeve në javët e ardhshme.
“Masat kanë funksionuar. Kjo na ka lejuar të reduktojmë ndjeshëm numrin e vdekjeve dhe ne kemi arritur ta përballojmë këtë valë Omicron shumë më mirë se vendet e tjera’’, shtoi Lauterbach.
”Incidenca shtatëditore e infeksionit në Gjermani ra të martën për të tretën ditë radhazi në 1 437,5”, raportoi instituti ”Robert Koch” për Kontrollin e Sëmundjeve./ /os/
