TIRANË, 10 dhjetor /ATSH/ – Një hotel i konfiskuar i një grupi kriminal që merrej me trafik ndërkombëtar droge i ka kaluar shtetit shqiptar.
Lajmin e bën të ditur Struktura e Posaçme Anti-Korrupsion (SPAK), e cila nëpërmjet një postimi në Twitter ka publikuar fotot të hotelit luksoz me vlerë 5 milionë euro.
SPAK bën të ditur se ky hoteli i përkiste një grupi kriminal të strukturuar që merrej me trafik ndërkombëtar droge.
“Kjo pronë e konfiskuar me vlerë 5 (Pesë) milionë euro i kalon shtetit shqiptar. Hoteli i përkiste një grupi kriminal të strukturuar që merrej me trafik ndërkombëtar droge. Mision i http://SPAK.al!”, thekson SPAK në një reagim në Twitter.
