TIRANË, 5 nëntor/ATSH/ Ministrja e Kulturës, Elva Margariti u prit në një takim nga ministrja e Kulturës dhe Rinisë e Emirateve të Bashkuara Arabe, Noura bint Mohammed Al Kaabi.
Gjatë takimit, Margariti dhe Al Kaabi biseduan për politikat për fëmijët dhe mbështetjen e të rinjve.
“Pas një vizite në pavijonin impresionues të Emirateve të Bashkuara Arabe në Expo 2020 Dubai, një shembull i ndërthurjes së traditës me modernen, pata rastin të zhvilloja një takim me ministren e Kulturës dhe Rinisë, shkëlqesinë e saj, Noura bint Mohammed Al Kaabi”, tha Margariti.
Ministrja Margariti u shpreh se “politikat për fëmijët, mbështetja e sa më shumë të rinjve dhe zgjerimi i industrisë kreative ishin disa nga pikëtakimet tona, ku shpresojmë të bashkëpunojmë në të ardhmen”.
/k.s/r.e/
