TIRANË, 5 nëntor/ATSH/ Në kantierin Korçë-Ersekë, Loti 2, po punohet me ritme të larta dhe deri tani janë kryer 74 % e volumit të punimeve.
Përmes një njoftimi për shtyp të ARRSH-së bëhet e ditur se deri tani ka përfunduar ndërtimi i disa veprave të artit (tombono rrethore dhe Box).
Po ashtu, po punohet për ndërtimin e mureve pritëse të betonit dhe terramesh për formimin e trupit të rrugës.
Një tjetër ndërhyrje po kryhet për gërmimin dhe mbushjen në nyjën lidhëse të rrugës ekzistuese me rrugën e re.
Përfundimi i kësaj vepre do të shkurtojë kohën e udhëtimit nga Korça për në Kolonjë.
Ndërtimi i aksit rrugor Korçë-Ersekë nuk do të shërbejë vetëm për të përmirësuar lëvizjen e automjeteve. Projekti përfshin edhe ndërtimin e trotuareve, korsive të biçikletave, ndriçimin dhe gjelbërimin.
/m.m/r.e/
