TIRANË, 26 tetor/ATSH/ Ministrja e Shtetit për Standardet e Shërbimeve, Milva Ekonomi priti sot në takim koordinatorin e Sekretariatit për zbatimin e marrëveshjeve Kosovë-Shqipëri, Gentian Sala.
Ekonomi tha se “pata rastin të diskutoja punën e madhe që ka përpara, për ta çuar një tjetër nivel bashkëpunimin mes dy vendeve tona, e sidomos me një fokus të dedikuar edhe shërbimeve që i ofrojmë qytetarëve tanë në dy anët e kufirit”.
Kosova dhe Shqipëria u dakordësuan në shtator gjatë vizitës që Kryeministri Edi Rama zhvilloi në Prishtinë, për ngritjen e një sekretariati koordinues për marrëdhëniet bilaterale mes dy vendeve. Mbledhja e përbashkët mes dy qeverive do të mbahet në javën e fundit të nëntorit.
/k.s/j.p/r.e/
