TIRANË 1 tetor /ATSH-I.Vata/ Kryetari i bashkisë së Kukësit, Safet Gjici inspektoi sot punimet për rikualifikimin e rrugicave që po kryhen në lagjen 4, 5, 6 të qytetit të Kukësit.
Puna për rikualifikimin e rrugicave në lagjet 4, 5, 6 të qytetit të Kukësit është drejt përfundimit, pasi sot punonjësit e bashkisë Kukës kanë nisur shtrimin me shtresën e dytë të asfaltimit.
Gjithashtu, ka përfunduar sistemimi i trotuareve, ndriçimit, vendosja e stolave dhe mbjellja me pemë dekorative.
Kryetari i bashkisë Kukës, Safet Gjici tha se vijon ecuria e punimeve me ritme shumë të shpejta për përfundimin e lagjeve 4, 5 dhe 6 të qytetit.
“Një investim i prekshëm tashmë për të gjithë banorët e këtyre lagjeve. Me mbarimin e rikualifikimit të lagjeve 4, 5, 6, do fillojë puna dhe në lagjet të qytetit. Rikualifikimi i lagjeve në tërësi do bëjë që çdo lagje të ketë hapësira të gjelbra, kënde lojërash për fëmijë, vendqëndrime për grupmosha të ndryshme si dhe riparim fasadash”, tha ai.
Lagjet 4, 5, 6 të qytetit të Kukësit ishin lënë në harresë për dekada, duke u kthyer në problem serioz për komunitetin, por tani me rikualifikimin lagjet në qendër të qytetit të Kukësit janë me standardeve europiane.
Investimi për rehabilitimin e lagjeve 4, 5 dhe 6 në Kukës kap shifrën e 4.5 miliardë lekëve.
/j.p/r.e/
