DOHA, 30 shtator /ATSH-AA/ – Katari do të organizojë Çmimin e Madh të Formula 1 për herë të parë në muajin nëntor 2021.
Në faqen zyrtare të Formula 1 thuhet se gara e Çmimit të parë të Madh, ngjarjes së 20-të të sezonit 2021, do të mbahet në Pistën Ndërkombëtare Losail më 19-21 nëntor.
Formula 1 njoftoi se Katari nënshkroi për 10 vjet shtesë për të organizuar ngjarjen.
“Kishte një vullnet të fortë nga Katari për të qenë e dobishme për F1, kurse gjatë këtij procesi vizioni për një partneritet më të gjatë u diskutua dhe u dakordua për 10 vjet”, thuhet më tej në njoftim.
Presidenti shefi ekzekutiv i Formula 1, Stefano Domenicali, vlerësoi përpjekjet e Federatës së Katarit dhe Motoçikletave (QMMF), duke theksuar se “ne jemi shumë të kënaqur që mirëpresim Katarin në kalendarin e Formula 1 këtë sezon dhe për një periudhë më të gjatë deri në vitin 2023”.
Do të ketë një përfundim tre-pjesësh të Lindjes së Mesme të sezonit 2021 me përfshirjen e Çmimit të Madh të Katarit pasi Çmimi i Madh i Arabisë Saudite do të mbahet më 3 deri 5 dhjetor, ndërsa Çmimi i Madh i Abu Dabit do të mbahet më 10 deri 12 dhjetor. /os/
