TOKIO, 20 shtator /ATSH-AA/ – Japonia ka vendosur të aplikojë dozën e tretë të vaksinës antiCOVID-19, sipas agjencisë së lajmeve Kyodo, që bazohet në burimet e Ministrisë së Shëndetësisë.
“Bordi Këshillimor i COVID-19 ka diskutuar planin për të aplikuar dozën e tretë të vaksinës në luftën kundër varianteve të pandemisë”, raportoi agjencia e lajmeve.
Bordi diskutoi pretendimet se gjashtë muaj pas dozës së dytë, antitrupat e prodhuar kundër COVID-19 humbasin dhe se vaksina humb efektivitetin e saj kundër varianteve të ndryshme, përfshirë Delta-n.
Duke marrë parasysh thirrjet e prodhuesve të vaksinave për domosdoshmërinë e dozës së tretë, bordi në fjalë vendosi të vërë në praktikë planifikimin për marrjen e dozës së tretë përforcuese./ /ervo/
