TIRANË, 2 gusht/ATSH/ Një lajm i mirë vjen nga Bundesliga austriake, aty ku sulmuesi i Kombëtares shqiptare, Giacomo Vrioni ka qenë protagonist dhe ka shënuar gol me ekipin e Tirolit në kampionat.
Vrioni gjeti rrugën e rrjetës në minutat shtesë të pjesës së parë të takimit, ku ekzekutoi saktë nga pika e bardhë e penalltisë, duke kaluar skuadrën e tij në epërsi, në sfidën kundër Austria Vien, që u mbyll në barazimin 1-1.
Ky është goli i parë me Tirolin në kampionatin austriak, pasi në ndeshjen e parë, sulmuesi kuqezi nuk ishte i grumbulluar për shkak dëmtimi, ndërsa duhet theksuar se Vrioni ka lënë gjurmë me austriakët që në ndeshjen e parë testuese, duke shënuar një dopietë.
22-vjeçari, që është në pronësi të Juventusit, është huazuar për një vit te skuadra e Zvarovski Tirol duke kërkuar më shumë mundësi dhe hapësira për të luajtur.
/j.p/r.e/
