ROMË, 8 korrik /ATSH-MIA/ – Ndeshja gjysmëfinale në kuadër të EURO 2020 mes Italisë dhe Spanjës është ngjarja e 35-të më e shikuar televizive e të gjitha kohërave në Itali.
Ndeshja, ku italianët siguruan finalen me penallti (4-2), e kanë shikuar 19 milionë e 822 mijë tifozë italianë të futbollit.
Ngjarjen në kanalin RAI 1 e ndoqën 17 414 000 shikues, ndërsa 2 408 000 persona e kanë ndjekur ndeshjen përmes Skaj Sport 1.
Në mesin e 50 ngjarjeve më të shikuara televizive në historinë italiane, të gjitha janë ndeshje futbolli, ndërsa në 46 prej tyre ka luajtur përfaqësuesja kombëtare. /os/
