PARIS, 26 maj /ATSH-AFP/ – Numri global i pasagjerëve në udhëtimet ajrore do të kthehet në 2023 në nivelin e tij të vitit 2019, para krizës pandemike COVID-19, që çoi në kolapsin e trafikut ajror, vlerësoi sot Shoqata Ndërkombëtare e Transportit Ajror (IATA).
Këtë vit, numri i udhëtarëve të linjave ajrore në të gjithë botën pritet të përfaqësojë 52% të nivelit të para krizës dhe të rritet në 88% në 2022, sipas parashikimeve të organizatës.
Në 2023, ai pritet të tejkalojë nivelin e tij të 2019 (105%) dhe të arrijë 5,6 miliardë pasagjerë në fund të dekadës, falë një rritjeje vjetore prej 3,9% midis 2025 dhe 2030.
Sidoqoftë, sipas IATA-s, kriza COVID-19 pritet të përfaqësojë një humbje prej dy deri në tre vjet rritje gjatë dekadës./ /ervo/
