FUTBOLL – Loew: Mueller në ekipin kombëtar

BERLIN, 11 maj /ATSH-DPA/ – Trajneri i kombëtares gjermane të futbollit, Joachim Loew dëshiron të sjellë mesfushorin e Bayern Munchen, Thomas Mueller në Euro 2020 këtë verë, raportoi tabloidi ”Bild”.

Sipas raportit, Loew tashmë e ka thirrur lojtarin dhe ka treguar se ai dëshiron ta rikthejë atë në ekipin kombëtar.

Trajneri nuk dha komente për këtë çështje.

Mueller për herë të fundit luajti për Gjermaninë në Nëntor 2018 në ”Nations League”.

Në muajin mars 2019, ai u përjashtua nga ekipi kombëtar së bashku me Jerome Boateng dhe Mats Hummels./ /os/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.